EA-i Chandmari Hr. Sec Scoool nung skills training agutsütsü

Kohima, Luroi/August 18 (TYO): Entrepreneurs Associates (EA) aser Chandmari Higher Secondary School, Kohima nati longjemer school azüngba mapang kaketshirtem nem skills angazükdaktsütsü atema maparen ka tenzükogo.
‘School of Life Values and Entrepreneurship’ mesüra SOLVE program kübok EA-i kaketshirtem den sessions 6-8 shi shisa lemsateptsü, iba denji külemi mapatong aika nung parnok nem shilem agidakja pei taküm nung khuret angatettsü, communication skills alitsü aser financial literacy den entrepreneurship angatettsü.
EA-i tesüiba küm 20 shi Nagaland aser Manipur na nung lanurtem entrepreneurship nung ajemokdaktsütsü atema training agutsüba den külemi senotsü agia yaria arur. EA-i lanurtem, school azüngertem aser school züngtur alirtem nem training agütsür aser entrepreneur mapa nung ajemokdaktsür, anungji SOLVE initiative ya kaketshirtem ano timba ayimjemtsü nükjidong yur inyakba atema mapatong ka lir.
EA-isa, iba program atema enroll asür kaketshirtemi parnok school azüngba tembangdang career aika metettsü imlar. Senotsü timtem mesüra tanga kuli balala ajanga ano temaba jenjang nung mezüngtettsüsa akum nunga iba training agiba ajanga item ama kaketshirtemi tanga lenmang angutsü. Entrepreneurship training agiba ajanga kaketshir ka timtem kokteter ka akumba den külemi pei atema aser lokti atema sen aazüktettsü.
Iba pilot project ya Chandmari Hr. Sec. School nung tama tenzüktsü imlar aser iba sülen state nung tanga school aser college nunga tenzüktsü sentong lir.