Eagles-i goal 15 agi Midland akok; Phezhu Boys-ia kokogo; 19th NSF Martyrs’ Memorial Trophy

Kohima, Rongjui/September 26 (TYO): “Goal for Peace” omen nung ajemdaker Angami Students’ Union (ASU)-i ayonga Kohima Local Ground (Khuochiezie) nung 19buba NSF Martyrs’ Memorial Trophy asayadaki, aser tanü asaya nung Phezhu Boys Club aser Kohima Eagles-i takok ngua tanabuba round-i iogo.
Tanü asaya tanabuba nung Kohima Eagles puri goal 15 agi Midland Youth Organisation ajemshia kokogo, koba iba asayamung otsü nung goal timtiba agütsüba asütsü.
Eagles pur atema Rhitsho Mero-i minute 7buba nung goal agüja tenzük aser pa iba asayamung nung goal ti agütsür mezüngbuba aküm. Pai idaktsüba tanungba goal tenet ya goal 4, 6, 7, 9, 11, 12 aser 13buba liasü koba pai minute 24, 31, 33, 49, 65, 78 aser 79buba nung idaktsü.
Pa den yarisema Khwetelhi Thopi-ia goal asem idaktsü. Pai minute 21, 57 aser 83 buba nung goal 3, 10 aser 14buba idaktsü.
Maneni Keneinguzo Pienyü, Petevizo Kezieo Menguzelie Rutsa aser Noune Medoze nungeria minute 14, 29, 41 aser 89buba nung goal kaka idakja parnoki asaya akok.
Asaya mezüngbuba nung Phezhu Boys Club aser Friends United FC na kanga toktepa asayar Phezhu Boys Club puri goal ka agi asaya akok. Telok anapronglai asaya mezüngbuba shilem nung goal magütsütet saka lemon break sülen Phezhu pur atema minute 60buba nung Namtüba-i goal ka idakja parnok asayamung tanabuba round tongtetogo.
Rongjui/Sept 27 nü asaya yamai alitsü:
1. Kijumetouma VSU vs Botsa Students’ FC @ 12Noon
2. Sports Link FC vs Tyro FC Phek @ 2pm