East Jaintia Hills nung gari lendong ka nung nisung 3 asü, 38 yiru

Shillong, March 09 (Agencies): Meghalaya nung East Jaintia Hills district kübok yimtsüng ka nung ‘pick up jeep’ ka mekübok aser iba mapang tanur ka densema nisung 3 asü aser 38 yiru.
Parnok ya Mawknor yimtsüng nungi Saipung yimtsüngi tenük angati reprangdaktsütsü asoshi aoba mapang iba lendong ya atalok.
“Iba lendong ya Khahnar yimtsüng nung atalok. Tetsür asem, Rophina Paslein, Kalbina Pakem aser arishi küm 5 tain, Laipynhunlangki Lamurong iba tesem nung asü,” ta district police tanishir, Spil Thamar-i osangbener dang ashi.
“Yirur alir nisung 38 ya Saipung Public Health Centre-i mozü agütsütsü asoshi anir ao,” ta paisa ashi.
Khahnar ya East Jaintia Hills district indang headquarter, Khliehriat nungi kilometre 45 pilar lir aser Shillong nungi kilometre 150 pilar lir.
“Rabitsür-i benshiba ama state sorkari benshiba ajanga lenmang tajung magütsür, aser iba ajangaji lendong ya atalok,” ta Mawknor nung yimtsü-yimbu kati osangbener dang ashi.
Iba lendong atalokba asoshi police temi ken o züluokogo aser bushisüngdangba mapang ka lir.