East Khasi Hills nung sen lakh 38 apu

Shillong, Tsüklai 26 (Agencies): Meghalaya nung election agitsü anogo ka lia Tentonü East Khasi Hills district nung Election ketdangsertemi sen lakh 38 dak tema puogo.
Iba sen ya Lad Smit tesem nung apu. Maneni Amongnua Ri-Bhoi district nung sen lakh 12 pua liasü.
“State surveillance team-i Madanrting police station kübok nisung ka ket nungi sen lakh 38.67 puogo,” ta chief electoral officer F R Kharkongor-i osangbenertem dang ashi.
Iba sen ya West Jaintia Hills district nung alir nagmati shishilembar ka ket nungi apu, shiba SUV tasen ka nung senzüya liasü.
Iba sen ya ketdangsertem nem agütsüogo aser kechi bener oya liasü iba ji jangjatsü atema bushisüngdang tenzükogo, ta iba dak sendaka aliba election ketdangser kati ashi.
Tang tashi nung state kübok nisung balala ket nungi sen lakh 70 dak tema pua lir.