East Police station, Dimapur nung tetsüng lenmang semzük

Dimapur, June 24, 2017: Honibar anepdang East Police station, Dimapur nung Urban Development Advisor, SI Jamir-i Atal Mission for Rejuvenation of Urban Transformation (AMRUT) scheme kübok tetsüng lenmang yanglua aliba semzüktsüba noksa nung angur. 

Dimapur, June 24 (TYO): Atal Mission for Rejuvenation of Urban Transformation (AMRUT) scheme kübok Dimapur nung NST bus station tejenba nungi SP office, Dimapur tejenba tashi gari lenmang tip anatsülen yangluba tetsüng lenmang tanü tongti tesemdanger, Urban Development Advisor, SI Jamir-i semzüktsüogo.
Iba sentong nung jembidang SI Jamir-i, AMRUT scheme ya mapang telatet ka yur inyakba project ka lir, aser item mapaji mapa shidak nung tembangtsüla, ta metetdaktsü.
Paisa, department kijai dangbo item mapa meinyaktettsü, anungji item project takok ngua inyaktsü atema nüburtemi sorkar den amalitepa inyaktsüla, ta ashi
Kasa sentong nungsa Urban Development Secretary, M. Lotha-ia, Atal Mission for Rejuvenation of Urban Transformation (AMRUT) indang tongtibangtiba nükjidongji tzü supply, sewerage, seepage management, transport aser tanurtem atema parks nung terenlok mapatem lir, ta metetdaktsü.
Paisa, iba scheme kübok Dimapur aser Kohima na shimtetogo, kong nütsüng lakh 1 dak tema lir, ta ashi.
Paisa, iba ya mapang lateta yur inyakba project lir, aser meyipa arutsü makok, anungji ajaki amalitepa inyaktsü nüngdak, ta ashi.
Tetsüng lenmang yangluba ya urban transportation küboki aiter, ta paisa shisem.