Eastern Army Commander-i Spear Corps Zone semdanger

Dimapur, Chiteni (July) 27 (TYO): Chiteni (July) 27 nungi 30, 2018 tashi Lieutenant General Abhay Krishna, PVSM, UYSM, AVSM, SM, VSM, General Officer Commanding-in-Chief Eastern Command-i Army indang Spear Corps Zone semdanger, ta PRO (Defence) Col C Konwer-i ashi.
Lieutenant General Gopal R, AVSM, SM, General Officer Commanding Spear Corps-i General Officer General Abhay Krishna meina senzür aser pai North East State tem nung security dak sendakba osangtsüsang metetpelatsü, ta PRO (Defence) sangdong nung shia lir.
General Abhay Krishna-i Dimapur atongba sülen Spear Corps-i mapa inyakba osang metetdaktsü aser pa idaki mungzükdang Tripura, Mizoram, Manipur aser Nagaland nung Operational Commander temi pa nem osang metetdaktsütsü, ta sangdong nungsa shia lir.