Eastern Assam nung telungpur ana khasetogo

Guwahati, Tsüklai 1 (Agencies): United Liberation Front of Asom-Independent (ULFA-I) aser People’s Liberation Army of Manipur (PLA) nungi züngsem ana Kharsang nung amendaker aliba 12 Assam Rifles sepaitemi Assam kübok Digboi tesem nung Yangtepnü anepdang khasetogo.
Tinsukia district, Lekhapani kübok Kanubari yimtsüng nung telungpurtem asütsü ta temulung melemi bilemba nisungtemi prangbong akha tenzükba sülen iba lendong ya atalok.
Iba tatalokba sülen Miao subdivision kübok Chingsa yimtsüng meita aoba mapang nung security sepaitemi telungpur ana ya khaseta liasü.
Osang ajanga ashiba agi, telüngpur ana ket nung yagi pistols ana aser Chinese hand-made grenade ka ta ngutetogo.
Maneni osang ajangsa ashiba agi Assam -Arunachal arrtsü len Tinsukia district nung kanga dang timtem agüja aliba telungpur ana khasetogo. Tena ya Arunachal Pradesh kübok Changlang district nung Kharsang tesem sepaitemi meita aoba mapang nung khaset.
Telungpur asüsang ana ya ka ULFA nung züngsem Moniram Deori aser ka Manipur nungi PLA züngsem Kamba Singh, ta jangjaogo.