Eastern Nagaland nungi MLA 7-i PDA yaritsü

Dimapur, March 25 (TYO): Eastern Nagaland nungi MLA 7-i Lok Sabha Elections 2019 nung People’s Democratic Alliance (PDA) külem candidate aser PDA sorkar yaritsü ta osang metetdaktsü.
Kejong Chang, MLA, 54 Tuensang Sadar II A/C, EE Pangteang, MLA, 48 Moka A/C, Eshak Konyak, MLA, 47 Aboi A/C, CL John, MLA, 45 Tehok A/C, BS Nganlang, MLA 49 Tamlu A/C, N. Thongwang Konyak, MLA, 46 Mon Town A/C aserr Toyang Chang, MLA, 53 Tuensang Sadar I A/C nungertemi külem sangdong ka nung iba osang metetdaktsü.
Chief Minister Neiphiu Rio lenisüba kübok PDA sorkari tang tashi nung terenlok mapa inyakbatem onoki temulung asür. March 8, 2018 nü PDA teloktep sorkar akümba sülen Nagaland nung sorkar ketdangsübaren tajungba kümogo aser kechisarena ajaklen renloktsü atema onoki teimla lir, ta parnoki ashi.
Onoki PDA sorkar den yariteptsü aser Indo-Naga yimjung maparen nung PDA sorkari inyakba posema nungiter, ta MLA temisa ashi.
Lok Sabha Elections 2019 nung NPF candidate ka meyokba aser Congress posemtsü lemtetbaji regionalism indang tangatetba anema lir aser iba ajanga onoki PDA candidate aser sorkar yaritsü lemtet, ta parnokisa metetdaktsü.