Eaton o Dibaba nati World Athletes of the Year sempet agizükogo

Monaco, November 27 (Agencies): International Association of Athletics Federations (IAAF)-i America nunger decathlete, Ashton Eaton aser Ethiopia’er tetsür middle-distance asemer, Genzebe Dibaba na nem 2015 World Athletes of the Year sempet agütsüogo.
Arishi küm 27 tain Eaton-i Beijing nung taküm 2016 küm August ita ayongba world championships nung pai taoba mapang yangluba decathlon world record ajangteta otsü tasen yanglua liasü.
Eaton-i London Olympics nung gold medal agizükba sülen 2013 küm Moscow nunga world gold medal agizükba osang jangjaogo.
Jamaica nunger Usain Bolt-i Beijing nung 5 buba gold medal agizüka kanga junga shilem agiaka, Eaton-i tan tebur shilem indang World Athlete of the Year sempet agizüker lir.
Arishi küm 24 tain Dibaba-ia tetsür 1500m world record otsü yangluba den külemi, indoor shilem indang world record otsü 3 tashi yanglua lir.
Taoba mapang Olympic champion asemben tashi akümla, Tirunesh tenu, Dibaba-i Beijing nung ayongba world championships tetsür 1500m tetoktepba nung gold agizüka otsü tasenji yanglu.