EBRC Mokokchung Village kübok aliba school-tem senden jateper

Mokokchung, Rongchii (April) 13 (TYO): EBRC Mokokchung Village kübok aliba school-tem asoshi UDISE aser SDMIS dak sendakba nung telungjem senden ka Rongchii (April) 16, 2018 nü, anepdang 10:00 ako nungi tenzüka EBRC Hall nung akatsü, ta Area Education Officer & Coordinator EBRC Mokokchung village, Wb. L. Alemtemsü Ao-i sangdong ka ajanga metetdaktsüogo.
Iba senden ya kanga tongtibang ka asünung, EBRC Mokokchung Village kübok aliba government aser private school-tem nungi Principal/Headmaster/Head Teacher/Teacher Incharge-tem ajak medema arua adentsü asoshi paisa mepishia metetdaktsü.