EC atema Kiphire DLCC senden amen

Kiphire, Chiteni/July 05 (TYO): Kiphire Deputy Commissioner leniba nung pa Chairman ser District Economics & Statistics Office Kiphire-i District Level Coordination Committee (DLCC) tentetogo, aser züngsemtemji General Manager, DIC, District Labour Commissioner, District Public Relations Officer aser District Economics & Statistics Officer lir, ta ketdangsertem osang ka ajanga metetdaktsü.
Tang mezüngbuba District Level Coordination Committee (DLCC) senden July 5 nü Deputy Commissioner Office Chamber, Kiphire nung DC, M. Shayung Phom leniba nung menogo.
7buba Economic Census junga agitettsü atema sorkari district Level Coordination Committee tentettsü atema tuyuba nung ajemdaker iba senden amedang 7buba EC atema terenemshiba jenjang asadangba den külemi district atesem ajak ayimjema agiba sülenb data osang agütsütsü atema jembi.
Senden nungsa business associations aser sensotemi amalitepa inyaktsü atema iba osang metetdaktsütsü aser EC dak sendakba onük balala nung o lemtepa liasü.