EC-i Amritsar Lok Sabha menden atema anogo metetdaktsür

New Delhi, January 6 (Agencies) : Congress Punjab tir, Amarinder Singh-i toktsüba Amritsar Lok Sabha menden atema February 4 nü assembly polls den külemi by-election agitsü, ta Election Commission-i metetdaktsüogo.
Aseembly elections agiba state pungu- Uttar Pradesh, Punjab, Uttarakhand, Goa aser Manipur den külemi by-election indang vote ji March 11 nü azüngtsü, ta Commission-isa metetdaktsü.
November 23 nü Amarinder-i Lok Sabha menden toktsüba ajanga iba by-election agitsüsa akümer.
November 10 Supreme Court-i ‘Sutlej-Yamuna Link (SYL) canal water sharing agreement’ indang oshidang agütsüba magizüker ta tejashi sayua Amarinder-i Lok Sabha menden toktsü.
Pai anir Punjab nung Congress lennirtemi Sutlej-Yamuna Link (SYL) anema noktaker aser Supreme Court oshidangji Punjab nunger nübortem anema lir ta parnoki ashir.
Amritsar Lok Sabha menden by-election atema sangdong ka January 11 nü agütsütsü aser tenüng agütsüba anogo tatembangbaji January 18 nü asütsü. January 19 nü tenüngtem reprangdangtsü aser January 21 tashi nung tenüng agütsürtemi tenüng agientsü akok, ta Election Commission-isa metetdaktsüogo.