EC-i April 4 nü aser May 16 nü tashi exit poll nokdanger

New Delhi, April 01 (Agencies): Election Commission (EC)-i  April 4 nü nungi May 16 nü tashi state pongu nung assembly elections agidang exit poll magitsü nokdangogo.
Electoral ozüngtem tetshia EC-i, “April 4 nungi May 16 nü tashi Exit poll magitsüla aser print den electronic media mesüra yimya kecha nunga meproktsüla,” ta metetdaktsü.
Commission-isa, opinion poll osang mesüra tanga poll survey tem densema iba dak sentakba kecha electronic media nung ghonda 48 tsüngda madoktsüla,” ta metetdaktsü.
“Representation of the People Act, 1951 kübok Section 126 A nung aliba ozüngtem nung ajemdaker, April 4 anepdang 7:00 ako nungi May 16 nikongdang 6:30 tashi exit polls magitsüla aser print mesüra electronic media densema tanga lenmangtem ajanga meperoktsüla,” ta EC-i sangdong ka ajanga metetdaktsü.
April 4 nungi tenzüka May 16 nü tashi nung Assam, Kerala, Tamil Nadu, West Bengal aser Poducherry nung assembly election agitsü.