EC-i Assam nung anogoshia yi osang meshir

Guwahati, March 25 (Agencies): Election Commission (EC)-i Assam nung yi ayokertem dang nungi anogoshi osang meshir.
Assam nung aliba liquor stores indang retail aser wholesale units ajak nung yi aliba osang metettsü atema ECI-i iba tetuyuba agütsü.
Assam nung April 11, 18 aser 23 anogotem shilem asem lemsar Lok Sabha elections agitsü lir.
EC-i tetuyuba agütsüba ama retail aser wholesale units dang anogoshi parnok ket nung aliba yi indang osang agütsütsü shiogo, ta Excise Department ketdangser kati ashi.
Maneni, EC dangi yi apuba osang anogoshia nikongtsütsü 3:00 ako nung yoker. Model code of conduct mapa tenzükba sülen nungi yi apuba osang yoker aser iba ya elections metembang tashi yoktsü, ta paisa ashi.
“Tang tashi nung yi balaka amshiba puteta mali. Ajisüaka onoki tajungba nung mittsü” ta Excise Department ketdangserisa shisem.
Assam nung model code of conduct mapa tenzükba sülen ozüngi memelaba yi litre 25,263 tashi police aser excise-i puogo.