EC-i J&K reorganization atema tebilembatem lemsatep

New Delhi, August 13 (Agencies): Jammu & Kashmir Union Territory küma lemsaba sülen Election Commission (EC)-i tanü iba onük atema tebilembatem lemsatepogo.
Jammu & Kashmir nung delimitation mapa inyaktsüba indang tanü ECI-i jembitep.
Ministry of Home Affairs (MHA)-i ECI dangi State lemsashiba aser Jammu and Kashmir Reorganisation Act ama delimitation mapa inyaktsüba indang shidi ano mezülu lir, ta EC osang ka ajanga ashi.
Act nung Arrla 60 nung ashiba agi “Union Territory of Jammu and Kashmir nung Legislative Assembly mendenji 107 nungi 114 akümtsü.”
Act nung aliba agi, Union Territory of Jammu and Kashmir nung Assembly alitsü aser Union Territory of Ladakh nungbo Assembly malitsü.
Sorkari EC nem osang sangoktsüba sülen parnoki MHA aser Jammu & Kashmir nungi ketdangsertem jaoka senden amentsü, ta osang ajanga ashi.