EC-i Nov. 12 nungi Dec. 7 nü tashi exit polls nokdanger

New Delhi, Yimpoksüi/November 09 (Agencies): Election Commission of India (ECI)-i assembly elections agitsü aliba state ponguprong- Rajasthan, Madhya Pradesh, Chhattisgarh, Mizoram aser Telangana nung November 12 nungi tenzüka December 7, 2018 nü tashi exit polls nokdangogo.
Iba dak alia Representation of the People Act, 1951 kübok Arrla 126(1)(b) nung ajemdaker assembly election shilem ajak nung election tembangtsü ghonda 48 lia print aser electronic media nung opinion poll mesüra tanga poll survey densema election dak sendakba kecha sayatsü memelar, ta tanü Election Commission-i sangdong ka ajanga metetdaktsü.
“Election Commission of India-i Representation of the People Act, 1951 nung Arrla 126A kübok sub-section(1) nung agüja aliba tashi amshia November 12, 2018 anepdang 7:00 ako nungi December 7, 2018 nü nikongdang 5:30 ako tashi nung exit poll osangtem mesayatsü mesüra print aser electronic media nung exit poll osangtem adoktsü memelar,” ta Election Commission sangdong nungsa shia lir.
Chhattisgarh nung assembly election shilem ana küma lemsar November 12, 2018 aser November 20, 2018 nü election agitsü.
Madhya Pradesh aser Mizoram na nung November 28, 2018 nü election agitsü aser Rajasthan aser Telangana na nung December 7, 2018 nü election agitsü.
Item state nung December 11-12 anogotem nung vote zünga election osang sangdongtsü aser December 13 nü election maparen ajak tembangtsü.