EC-i state 5 nung assembly election anogotem sangdong

New Delhi, March 04 (Agencies): Hokolbarnü Election Commission (EC)-i state pezü- West Bengal, Assam, Kerala, Tamil Nadu aser Union territory, Puducherry nung assembly election agitsü anogotem sangdongogo.
West Bengal nungbo April 4 nü nungi tenzüka telemsa trok nung election agitsü. April 4 nü constituency 18 nung election agitsü, iba sülen April 17 nü constituency 56 nung election agitsü iba sülen April 21, 25, 30 nü aser tatemsabuba nung May 5 nü agitsü.
Assam nung telemsa ana nung election agitsü: April 4 nü constituency 65 nung agitsü aser April 11 nü tanüngba constituency tem nung agitsü.
Kerala, Tamil Nadu aser Puducherry nungbo kenüyongi, May 16 nü agitsü.
State ponguprongla nung May 19 nü vote azüngtsü.
“State tem nung assembly constituency 824 nung election agitsü. Vote agütsürtemi nisung maiteptsü atema EVMs (electronic voting machines) ajak nung candidate tem noksa alitsü,” ta Chief Election Commissioner, Nasim Zaidi-i ashi.
State pongu nung vote agütsütsüpur crore 17 dak tema lir, ta EC-isa ashi.
Item election nung NOTA (None of the Above) temaitsüa alitsü aser temang mesüra tekolok agi tangar memenepertem atema polling station temeja alitsü, ta Zaidi-isa metetdaktsü.
Assam assembly mapangtong June 5 nü tembangtsü, West Bengal May 29 nü, Tamil Nadu nung May 22 nü, Kerala nung May 31 aser Puducherry nung June 2 nü tembangtsü.
Tanü assembly election agitsü anogotem sangdongba mapang nungi election ‘model code of conduct’ tenzüker.