ECI-i manifesto sayaba mapang latettsür

New Delhi, March 16 (Agencies): Honibarnü Election Commission of India (ECI)-i polling agitsü ghonda 48 jakdang election manifesto tem mesayatsü atema tenokdangba agütsüogo.
ECI-i election manifesto sayaba ya Model Code of Conduct (MCC) nung shilem ka ama kümdaktsüogo.
“Election khen nung dang agitsü süra, Representation of the People Act 1951 nung Setion 126 nung lateta aliba ama manifesto ji tenokdangba mapang mesayatsüla” ta ECI-i model code yanglushiba nung shia lir.
“Election shilem aika lemsar agira, RP Act nung Section 126 kübok lateta aliba ama election agiba shilem shia tenokdangba mapang nung manifesto mesayatsü” ta parnokisa yanglushiogo.
Representation of the People Act 1951 nung Section 126 nung “election silence” indang lateta lir. Iba nung vote agütsütsü mapang matongdang ghonda 48 tsüngda election campaign kecha meinyaktsü tetuyuba agütsür.
Tang tashi nung manifesto sayatsüba indang mapang telatet kecha maliasü saka tanü ECI-i ibaji yanglushiogo.