ECI-i National Voters’ Day tenangzükba agitsü tuyur

Dimapur, January 22 (TYO): Linük ajungalen January 25 nü National Voters’ Day amunger aser iba mapang arishi küm 18 temapurtem electoral roll nung züluoker aser election nung shilem agitsü atema osangtem prokshir.
Election Commission of India (ECI)-i iba anogo nung Nagaland nung ketdangser aser staff ajak dang NVD Pledge agitsü atema tetuyuba agütsüogo.
Kasa anogo anepdang 11:00 meta sorkar department indang office tem nung sentong tatsü ka renema agitsü atema ECI-isa metetdaktsü.
Sentong agiba osang den noksatem Commission nem agütsütsü atema Chief Electoral Officer, Nagaland dangi yoktsü metetdaktsüogo.