ECI-i official notification agütsüogo

Kohima, Aenjeti 31 (TYO): Core Committee of Nagaland Tribal Hohos and Civil Societies (CCNTHCO)-i election magidang Naga yimten latettsü atema takhangba agüjaka Election Commission of India (ECI)-i tanü Tsüklai 27 nü assembly election agitsü asoshi official notification agütsüogo.
ECI Secretary, Arvind Anand-i tanü agütsüba sangdong nung Tsüklai 7, 2018 anogo tashi nung nomination asütsü, Tsüklai 8 nü nomination agütsübatem reprangtsü aser Tsüklai 12 nung tenüng meyipa agitsü ta shia lir.
Nagaland assembly election atema polling ji Tsüklai 27 anepdang 7:00 ako nungi nikongdang 5:00 tashi agitsü aser Metsüremi 3 nü votes azüngtsü ta ECI Secretary-isa metetdaktsü.
NPF aser Congress dena Nagaland nung political party 10 shi kati Core Committee-i ashiba angaa party ticket magütsütsü mesüra nomination masütsü mulunga agizükogo, saka ibaji nisung shingai nomination masü nung dang inyaktsü ta parnoki telatetba ka agütsüsema lir.
Aenjeti 29 nü Joint Declaration nung political party 11-i sign asü saka anogo ka lir BJP-i iba tenangzükba nung madener ta metetdaktsüogo.