ECI-i Ranikor by-election indang osang metetdaktsü

Shillong, Chiteni (July) 27 (Agencies): Election Commission of India (ECI)-i Rogonü (Hokolbar) Meghalaya nung Ranikor Assembly constituency indang by-election agitsü osang metetdaktsüogo.
35 Ranikor (ST) Assembly Constituency indang polling ji Luroi (August) 23 nü agitsü aser August 27 nü votes azüngtsü.
August 29 tashi nung election dak maparen ajak tembangtsü atema ECI-isa tetuyuba agütsüogo.
Iba by-election atema July 30 nü gazette notification asütsü parnokisa tuyu.
By election nung tokteptsüpurtemi August 6 tashi nung tenüng agütsütsü aser August 7 nü nomination papers reprangtsü atema tetuyuba agütsü.
Meghalaya by-election nung polling station ajak nung EVMs aser VVPATs amshitsü atema ECI-i telemtetba agi.
EVMs aser VVPATs peria lir aser item koltem teyari agia election takok ngua agitsü atema maparen ajak inyakogo ta parnoki metetdaktsü.