ECI-i Tripura West RO agien

Agartala, May 3 (Agencies): Election Commission of India (ECI)-i Tripura West menden atema returning officer Sandeep Mahatme agienogo aser pa melena Vikas Singh shim.
Tripura West Constituency polling nung tim mesüi inyakba onüktem nung ajemdaker taoba mapang state election commission-i ketdangser aika merenshiogo.
Bharatiya Janata Party (BJP) züngsemtemi ozüng alema mapa inyak aser Communist Party of India-Marxist (CPI-M) o Congress züngsemtem dak teka sangshi, anungji Sandeep Mahatme agientsüla aser constituency nung re-poll asütsüla, ta opposition teloktemi takhangba agütsü.
EC Secretary Arvind Anand-i tetuyuba agütsüba nung “Mahatme ket nungi election maparen agiener aser pa melena Dhalai District Magistrate Vikas Singh shimer” ta shia lir.