Economic Census mezüngbuba shilem tenzüktsü

Dimapur, Monupii/May 31, 2019: Hokolbarnü Dimapur Deputy Commissioner indang Conference hall nung 7buba Economic Census dak sendakba senden nung Dimapur DC, Kevekha Kevin Zehol-i jembiba noksa nung angur.

Dimapur, Monupii/May 31 (TYO): June 06, 2019 nungi tenzüka 7buba Economic Census mezüngbuba shilem tenzüktsü aliba dak sendakba nung Hokolbarnü Dimapur Deputy Commissioner, Kevekha Kevin Zehol-i Hokolbarnü senden ka ayongzüka menogo, ta ketdangsertem osang ka ajanga metetdaktsü.
Iba senden nung mendenbuba, Dimapur DC-i district nung agitsü aliba 7buba economic census indang tongmelang agi metetdaktsü, iba sülen District Manager, CSC e-governance services India Limited-i power point amshia 7buba Economic Census indang metetdaktsü.
Iba senden nung 7buba Economic Census dak sendakba onük aika nung o lemtepa liasü, aser iba survey atema tongtibangtibaji nübo (supervisors aser enumerators) lir, ta bangjem.
Iba survey atema asalentong yanglu aser iba senden nung adener ketdangsertemi Dimapur sardar aser Chumukedima na dak alia Dimapur district kübok sub-districts/blocks nung iba survey junga agitettsü atema nüngdakba ama nübo peria agütsütsü melungogo.
Deputy Commissioner indang Conference hall nung agiba senden nung GM DIC, Assistant Labour Commissioner, Dimapur district kübok administrative officers ajak, DPRO, district Economic & statistical officer, Dimapur aden.