Ecuador menoknok lendong nung nisung 235 asü; 1500 tema yirua lir

Quito, April 17 (Agencies) : Ecuador kübok Pacific tzükümlen menoknok tesashi anokba lendong nung nisung 235 tashi taküm samaogo, ta Ecuador Tir, Rafael Correa-i Deobarnü metetdaktsü.
“Menoknok nung tasür ajak agi parnok 235 liasü ta jangjaogo” ta Correa-i Twitter ajanga metetdaktsü.
Honibar aonung Quito nung minute 11 dang tepila iter menoknok ana tashi anok. Mezüngbuba menoknok asadangbaji Richter scale nung 4.8 aser tanabubaji 7.8 liasü.
Menoknok ajanga lendong balala nung nisung 1,500 shi yirua lir, ta Ecuador nung national emergency management office ketdangser, Ricardo Peñaherrera-ia metetdaktsü.
1979 sülen Ecuador nung menoknok tesashitibaji yashi anokba menoknok liasü aser linük yimtiba Quito nungi kilometre 105 shi pilar ango apuba tesem aser raliwalirtemi semdangba tzükümlen anok.