Ecuador nem sen mn 150 aputsütsü: World Bank

Washington, April 23 (Agencies): Tawa menoknok tesashi anokba linük, Ecuador nem dollar sen million 15 aputsütsü renemba osang ka World Bank-i metetdaktsüogo.
Ecuador talisa, par linük anüdoklentip tsütsü tzüyimkümlen alirtem yaritsü nükjidong nung World Bank-i tan teyari senji agütsütsü nangzüker lir.
“Ecuador nung atalokba menoknok lendong ajururtem asoshi operation agitsü osettsüset, mozü mora,  mobile hospital aser iba amala taküm tia tajungba kümdaktsütsü osettsüset alitsü asoshi ozü tenteti Ecuador sorkar nem sen million 150-ji aputsütsü renem,” ta World Bank kübok Latin America & Caribbean kongsang nung Tatong Tir, Jorge Gamiliar-i osang jangjashitsü.
Ano, lendong ajurushirtem  yaritsü nükjidong nung Ecuador sorkar nem maneni sen aputsütsü renemba osang ka US kübok Washington nung tesep tentetba World Bank-i sangoktsü.
Ecuador nung magnitude 7.8 tesashi menoknok taoba Honibar nü anokba sülen tanü tashi nung nisung 587 shi asüba osang bushiteta lir.