Ecuador nung menoknok ajanga asür nisung 660 jungogo:UN

May 7, 2016 : Ecuador nung 7.8 magnitude menoknok agi asür nisung 660 tashi akümba ajanga linüki sen million dollar 72.7 teyari agütsüba agi meperir, ta tanü Honibarnü United Nations humanitarian aid wing ajanga metetdaktsü aser parnoki item timtem nung alirtem yaritsü atema tetenlartem dang ano iba project nung temulung agütsütsü ashi.
UN Office for the Coordination of Humanitarian Affairs (OCHA)-i, ano nisung 23 mangu bushidar, ki 7,000 shi raksatsüogo aser school ki 560 dak kongshiba rongnung school 166 bo kanga mejungi raksar lir, ta ashi.
Temang anepalutsü atema nisung 513,762 nem teyari agütsüogo aser parnok rongnung nisnung 4,605 bo mezüng menoknok nung yirurtem lir. Tejenokdak kidang alir ajak agi parnok 22,754 dang kümogo.
Lendong agi kongshir aliba tesemtem nung teyari balala agütsüdar. Iba den külemi menoknok agi kanga mejungi kongshir aliba tesem ana Portoviejo aser Pedernales nungbo mission telok ana amenoka lir. Lokti balalai Multi-sector initial rapid assessment (MIRA) aser lendong nung akoksabatem kanga junga asadangdar.
Sorkari Secretariat for Risk Management (SGR), Ministry of Foreign Trade, Secretary of Water (SENAGUA), Ministry of Culture aser Ministry of Economic & Social Inclusion (MIES) ketdangsertem melentsü sangdongogo.
SGR-i website ka ‘ecuadorlistoysolidario.com’ lapoka lir aser ibaji ajanga linük aser bendanglen nungi tenla aruba metetpelateper.