ED-i Shah Rukh Khan dang ghonda 3 asüngdangya

New Delhi, November 11 (Agencies): Senotsü nung temzüng alema inyakba dak sentakba nung Mongolbar nü Enforcement Directorate (ED)-i Bollywood actor Shah Rukh Khan dang sashia asüngdangyaogo, ta ANI osang ajanga ashi.
‘Dilwale’ actor SRK dang ghonda asem dak tema asüngdangya.
Red Chillies Entertainment Pvt Ltd indang Knight Riders Sports Pvt Ltd (KRSPL) nung Shah Rukh Khan, actress Juhi Chawla aser la kinüngbu Jay Mehta nunger partnership lir, aser iba nungji Shah Rukh Khan indang share dak sentakba nung pa dang asüngdangyaogo.
Senotsü dak sentakba nung ozüng alema inyakba onük nung ED-i Shah Rukh Khan dang asüngdangyaba ya tang mezüng masü, saka tamalena asüngdangyaogo.
Iba share transfer ji 2008-09 küm atalok, aser Foreign Exchange Management Act (FEMA) kübok 2010 küm nungi bushisüngdanga arur.
Osang ajanga angazükba agi, Shah Rukh Khan-ibo pa tsütsülen nungi temzüng alema inyakba kecha mali ta shiogo.