ED-i shishilembar tetsüdi Sekar Reddy apu

Chennai, March 21 (Agencies) : Yaküm demonetization sülen I-T Department-i sen crore 17 anguba dak sendakba nung Enforcement Directorate-i shishilembar Sekar Reddy puogo.
Hombar aonung okadak kati March 28 tashi ED ket nung Reddy ayutsü atema temelaba agütsü.
ED-i nisung asem asüngdangya asütsü atema jaokba sülen Hombarnü Prevention of Money Laundering Act (PMLA) kübok parnok aitsü, ta ketdangsertemi ashi.
Reddy ya PWD contractor ka lir aser pa yaküma kasa ken o atema CBI-i apu.
Taoba Hokolbarnü special CBI court kati Reddy aser pa den yariteper nisung 2 bail nung chioktsü temelaba agütsüba sülen ED-i parnok apu.
Reddy aser pa den yaritepertem- Srinivasulu o Premkumar nungertemi RBI telatetba anema ozüng alema sen melenba atema tai tonglokja lir.
CBI-i Reddy aser pa den yariteper kiojentem mita aodang sen crore 170 apu. Iba nung sen 2000 senpak tasentem aser hon seret 170 dena liasü.