Ed Sheeran-i pa indang kensep tasenba March 3 nü sayatsü

January 12, 2017 (Agencies): Ed Sheeran-i pa indang kensep tasenba LP’÷’ March 3 nü sayatsü ta sangdongogo.
2014 nung pa indang kensep ‘X’ adokba sülen taküm kensep tasenba ‘÷’ ita ana tsüngda sayatsü, saka Brihostibar (12.01.17) ayaterm nungi taginertemi kensep jelia mekazüka yutettsü, ta ‘Castle on the Hill’ ken atensangi ashi.
‘Castle on the Hill’ aser ‘Shape Of You’ koba UK nung jenjang 1 aser 2 nung lir, iba ken ana sayaba sülen hopta ka majungdang pai pa indang kensep tasenba sayatsü sangdong.
Pai ashiba agi, pai tang tashi nung adoka aliba kensep rongnung iba kensep ya tajungtiba asütsü ta amanger.
“Kü ken tansentem nenoki sapuba atema ni kanga pelar aser nenok dang kanga pelar. Kensep tasenba ‘÷’ iba kensep ya ni asoshi kanga tongtibang, aser dang tashi nung kü mapa rongnung tajungtiba lir ta ni amanger. March 3 atongtsü asoshi matateter,” ta pai ashi.
Arishi küm 25 tain kentener yagi pa sasa kensep nung art mapatem yanglu aser kensep indang cover ya pasasa atep.
Snow Patrol nung lenisang Gary Lightbody-i BANG Showbiz dang ashiba agi, pa aser Johnny na ED den pa taruba record nung külemi inyaktsü bangjemogo.
“Onok ano maneni ED Sheeran aser tangar aika den ken züludar. ED ya alima nung solo artist rongnung tajungtiba ka lir. Pa ola aser sempet kanga tajung aketba kentener ka lir, aser pai sabang tulu Wembley amala nunga guitar ka aser loop pedal ka dang amshia telok puatsü akoker,” ta paisa ashi.