Ed Sheeran lanuwa medemer Cherry den engaged süogo

London, Aenjeti 22 (Agencies): British nunger kentener Ed Sheeran-i ashiba agi, pa lanuwa medemtsür Cherry Seaborn den engaged süogo. Sheeran-i la school nung küm 11 asüdang ajuru.
“Ni küm tasen madong tsüngda engaged süogo,” ta pai Instagram nung Seaborn tena agiba noksa ka dena zülutsü. “Küna kanga meimteper aser kanga pelar.”
Arishi küm 26 tain Sheeran aser arishi küm 25 tain accountant Seaborn na ya eastern England kübok Suffolk nung school ka nung külemi zünga liasü aser 2015 küm nungi medem tenzük.
Grammy dena koker aliba kentener ya pa indang kensep mezüngbuba + (Plus) 2011 küm sayaba nungi tenzüker tang tashi takok tajung nguyonga arudar. + (Plus) kensep ya 2011 küm UK charts nung temaba jenjang tashi tongtetogo aser Unitet States nung jenjang 5buba tashi tongtetogo.
Official Charts Company ajanga ashiba agi, pa indang ken “Shape of You” ya 2017 küm UK nungi timtiba ayokba ken aküm aser “Perfect” ken koba nung Beyonce den külemi aten, iba ken ya Britain nung taoba küm Britain’s Christmas No. 1 ken asü.
Seaborn ya field-hockey asayar ka lir aser la North Carolina, Duke University nung azüng, aser iba sülen New York, Wall Street financial district nung mapa inyaka lir England-i meyipa aru. Ajisüaka tang tashi nung kibong akümtsüba anogobo sangdonga mali.