Ed Sheeran nem Bond 25 theme yangludaktsüner: Daniel Craig

Chiteni/July 29, 2019 (Agencies): Daniel Craig’er jala Ella-i tebu dang Ed Sheeran indang music angadaktsüba sülen, Daniel-i Ed nem taruba ‘Bond 25’ theme yangludaktsüner, ta osang ajanga metetdaktsü.
Arishi küm 51 tain actor Daniel-i aruya aliba Bond franchise indang installment 25 buba nung James Bond shilem tagidak lir, koba film nüngja tejangja ka tang tashi agüja mali aser osangtem ajanga angazükba agi, Daniel-i pop megastar Ed nem movie theme yangludaktsüner.
”Daniel dang par jala Ella ajanga Ed indang music introduce sütsü. Ella-i Ed indang music tem kanga dang sapur aser tang tebu Daniel-ia Ed music meimadok, koba ajanga Ed nem Bond atema theme yangludaktsüner,” ta osang ka ajanga metetdakja liasü.
Daniel, shibai pa taoba kinungtsü Fiona Loudon den arishi küm 27 jala Ella sosema lir, pa ya ‘Bond 25’ atema producer rongnung ka lir aser iba movie atema pai lemtetba nunga tanüngba producer anidaktsü akok.
Ajisüaka, film nung director temi Adele nem ang film atema theme ji yangludaktsüner. 2012 küm sayaba ‘Skyfall’ atema kasa film nüngja nung ajemdaker Adele-i ken ka tentsüogo.
”Adele indang ‘Skyfall’ ken onsara ajungba agi, la nem taneben film tasenba atema ken yangludaktsütsü jembia liasü, saka la melena Ed ang anokoitsü asoshi jembishinüdar. Film nung Daniel-i tongti shilem agiba dang masü saka producer rongnung pa densema lir, ajiasünung item maparen atema pai-a shilem tuluka agitettsü,” ta Sunday Mirror den jembiba mapang insider-i shisem.
‘Bond 25’ film ya April 2020 nung sayatsü ternemba lir, aser film ya Cary Fukunaga-i direct südar. Film nung Daniel densema Rami Malek, Naomie Harris, Ben Whishaw, Léa Seydoux aser Ralph Fiennes nungeri tongti shilem agiba angutsü.