Ed Sheeran ya Spotify nung 2017 Most Streamed Artist lir

December 06, 2017 (Agencies): ‘Castle on the Hill’ ken atendang ya streaming service nung temaba jenjang nung lir, aser iba ya talisa pa indang kensep ‘÷’ sayaba ajanga lir.
‘Shape of You’ ken ya UK aser alima ajunga nung timtiba stream asü (1.4 billion streams) aser Most Streamed Album nung pa indang kensep ‘÷’ ya billion 3.1 ben stream süa lir.
Ed indang ‘Castle on the Hill’ aser ‘Galway Girl’ ken ya UK nung timtiba stream asüba pongu rongnung densema lir aser Top 5 nung Luis Fonsi, Daddy Yankee aser Justin Bieber nunger indang ‘Despacito’ aser French Montana indang ‘Unforgettable’ ken tem densema lir.
Top Streamed Albums nunga Ed indang taoba kensep ‘X’ ya Top 5 nung pongububa jenjang nung lir aser pa indang kensep den Drake indang ‘More Life’, The Weekend indang ‘Starboy’ aser Stormzy indang ‘Gang Sings & Prayer’ kenseptem densema lir.
“Ed Sheeran-i taküm küm Divide kensep sayaba ajanga ajak ajangteta lir. 2017 ya The Year of Ed Sheeran liasü aser ken sabur million aikati Spotify nungi pa indang ken bushiteta angaba den külemi lemsatepogo. Ed-i takok anguba asoshi pelaba lemsateper,” ta Spotify indang Chief Content Officer, Stefan Blom-i ashi.
UK nungi kentener indang ken tem alima ajunga nung timtiba stream asüba nung Ed ya temaba nung lir aser pa den Coldplay, Calvin Harris, Dua Lipa aser ZAYN nunger tem lir aser tetsürtem rongnungi Rihanna-i temaba jenjang ya küm asem tashi adonga nguogo. La den Taylor Swift, Selena Gomez, Ariana Grande aser Sia nungertema lir.
Kentener teburtem rongnungi Ed den külemi Drake, The Weeknd, Kendrick Lamar aser Daddy Yankee nungertema temalen jenjang nung lir.
Breakout Artist of the Year nung kija ken atener Camila Cabello, Harry Styles aser Liam Payne nungertem temaba jenjang nung lir aser Most Streamed Groups temaba jenjang nung Coldplay, Maroon 5 aser Linkin Park nungertem lir.