EDBA & BAN-i Kikata Chopy aitsür

Dimapur, November 30 (TYO) : November 6, 2015 nü Kikato Chopy-i Joseph Mero aser par kibong taküm agitsü amokmerenba inyakyim kukua aitsür, ta East Dimapur Business Association (EDBA) aser Business Association of Nagas (BAN)-i sangdong balala nung metetdaktsü.

Joseph Mero ya EDBA nung General Secretary, Dimapur Goods Transport Union (DGTU) nung President aser Business Association of Nagas (BAN) nung Co-Chairman inyaker.

Neitsami yimer Shitovi Chopy’er jabaso Kikato-i Naga Yimten telok ka nung “Major” Town Command ta tiyazü tenüng amer iba mapa inyakba aitsür. Ozüng amertemi pa nem tapet temerenshi agüjang ta akhanger aser Nagaland Police-i mapang shitak nung aibener apuba atema parnok nem tenüngsang agütsür, ta EDBA & BAN sangdong nungsa shia lir.