Eden Medical Centre nung Tobacco cessation clinic lapok

Dimapur, August 06 (TYO): August 4 nü Eden Medical Centre, Dimapur nung Tobacco Cessation Centre lapokogo.
Iba sentong nung jembidang District Nodal Officer, Dr. C Tetseo-i PowerPoint presentation ka agütsüba den külemi sorkar aser nija hospital nprongla nungi doctor tem dang state nung moko achiba ajema akümtsü atema tongtibang shilem agidaktsüner, ta ayongzüka liasü.
Paisa, Specialised Cancer Hospital, Eden Medical Centre nung doctor temi iba tayongzükba agizükba atema pelaba metetdaktsüba den külemi yimti nung tanga hospital tem danga kasaji inyaktsü ayongzük.
Dr C Tetseo-isa, tangbo District Hospital, CIHSR aser Eden Medical Centre nung Tobacco cessation counseling aser treatment facility angur, anungji moko achiba tebilemtsü alirtemi item centre bushia teyari agitsüla, ta metetdaktsü.