Eden Medical Centre ‘Tobacco Free’ kümogo

Dimapur, October 04 (TYO): Eden Medical Centre, Dimapur nung doctor tem aser staff temi iba hospital ‘Tobacco free’ kümdaktsüba atema District Tobacco control cell-i parnok nem tenüngsang agütsür, ta National Tobacco Control Program District nodal officer, Dr C Tetseo-i tanü sangdong ka nung metetdaktsü.
Paisa, iba ama telemtetba agiba ajanga iba hospital nung amonger shirangertem aser tesemdangertemi moko chiyungtsütem ajanga timtem agütsüba indang tali rajemtsü, ta metetdaktsü.
‘Tobacoo Free’ sangdongba ajangsa hospital aser temeket tesemtem tali temerükba akumtsü aser alima tzü-mopung memenentsü, ta shia pai yimti nung nija hospital tem danga ‘Tobacco free’ sangdongtsü atema ayongzük.
Paisa, ‘research centre’ ta nüngja aliba reju ajakji shisaliok rejutem lir aser item reju ajakji COTPA section 6 (b) küboki aiter, anungji iba ozüng nung aibelenba atema temerenshi lir, ta ashi.