Education Advisor aser ANATG tsüngda telemtetba tajung magitet

Kohima, Chiteni (July) 3 (TYO) : Tanü All Nagaland Adhoc Teachers Group (ANATG)-2015 batch aser School Education Advisor, MLA K T Sukhalu tsüngda senden ka amen saka telemtetba tajung kecha magiteti tembang.
Tanü ANATG ketdangpurtemi Secretariat nung Advisor Sukhalu den pa indang chamber nung ajurutepa ‘service regulation’ atema jembi ta osang angazüker.
Senden nung telok anaprongi pei pei tebilembatem lemsatep saka telemtetba tajung ka magiteti tembang, ta ANATG osang ka ajanga ashi.
All Nagaland School Teachers Association aser NSF o ENSF nunger den senden ano manen lir, ta parnokisa ashi.
Honibarnü ANSTA, NSF aser ENSF teloktem tiyongtsü aita jembiba sülen ANATG-2015 batch-i tanü agi anogo asembuba lungkak aitba sentong anena liasü.
Adhoc tesayurtemi ANSTA, NSF aser ENSF teloktem den tekaratiba nung senden ka amentsü imlar, ta osang ajanga ashi.