Education sector nung tetsürtemi shilem tajung agir: Temjen Imna

Dimapur, March 15 (TYO): Asen linük nung tetsürtemi tongti shilem agidar aser education sector nung parnoki mapa tajung inyaker, ta tanü Higher and Technical Education Minister, Temjen Imna Along-i ashi.
Chandigarh nung 10 buba Higher Education and Human Resource Conclave nung tetushi tejaoker ka ama shilem agidang pai iba olen jembi.
Sentong nung Commissioner, Collegiate and Technical Education Department, Government of Telangana Navin Mittal; Chief Executive Officer, National Accreditation Board for Education and Training – Quality Council of India Manish Kumar; Additional State Project Director, RUSA, Department of Higher Education, Chandigarh Administration Dr Dalip Kumar; aser Vice-Chancellor, Chitkara University, Chandigarh Dr Madhu Chitkara nungertem lia Temjen Imna-i iba sentong lapoktsü.
“Sorkartem arur aotsü saka asenoki inyakba mapa shia ajanga linük terenlok lenmang nung anitsü ta tangatetba ayutsüla. Education densema State ajak külemi ain nung dang asen linük aintsü” ta pai ashi.
Temjen Imna-isa education digitize asütsüba, linük ajunga renloktsü atema North East State tem dendaktsütsüba aser higher education tajungba agütsüba onüktem jembi.
Iba sentong nung tanga tongti ketdangsertem den külemi pai Digital LEARNING magazine sayatsü.
Anogo ka piyong sentong nung New Age Innovations Redefining Higher Education Landscape in the country – Transitions and Transformations; Present Digital Era and its Implications in Human Resource Management; Changing Enrolment Trends at Indian Institutions aser tanga onüktem indang session balala agi.
10 buba Higher Education and Human Resource Conclave Chandigarh nung India anüdoklentip tsütsü aliba reju 20 dak tema nem tenüngsang agütsü.