EE, Electrical Div Mkg-i sangdonger

Mokokchung, Rongjui/September 20 (TYO): Tawa mi dak sendakba lendong balala aika kuli tejangja memeti elecric short circuits/Power Department nem tai tongloktsür, aser iba dak sendakba nung nüburtem nem rajemdaktsütsü atema iba sangdong agutsür, ta tanü Executive Engineer, Electrical Division Mokokchung, Er. Lobosang Jamir-i metetdaktsü.
Electric/service connection dak sendakba nung Power Department teinyaktsü mapaji meter box inoktsüba tashi ang lir, iba dakji alaka ki telung nung wiring jibo ki kibur mesüra kidang alirtem teinyaktsü khuret; registered electrical contractors nungi ki kiburi test certificate agutsüba nung ajemdaker Power Dept-i ki tasen nung electric connection agitsür, anungji ki kuburtemi BIS/ISI marking aliba osettsüset tajung (wires, connectors, switches) amshitsüla aser tesüa alir electrician nem MCCB/fuses inokdaktsütsüla, ta paisa ametetdaktsü.
Service connection atema ki burtemi Test Certificate agutsüdang building ikndang
‘actual connected load’ mimeimshitsüka, kechiyong Power Dept-i test certificate nung shia aliba load nung ajemdaker ang install meters aser wires inoktsütsü; ki kiburi install süa aliba meter aser service wire dang nungi l;oad tali agira meter raksatsü aser short circuit ataloktsü, anungji electric dak sendakba lendong balala nungi kümzüka alitsü atema nüburtem dept-i tuyuba ama inyakdaktsürner, ta paisa metetdaktsüogo.