Dimapur, October 2 (TYO) : October 3, 3015 nungi tenzüka anogo asemnü Mokokchung power house nung 33/11kv sub-station tajungba küma yangluba mapa inyaktsü. Anungji, item anogotem nungi anepdang 8:00 ako nungi nikongtsütsü 5:00 ako tashi power supply mangutsü aser mapa metembang tashi aonung-a load shedding alitsü, ta Er. Moa Aier, Executive Engineer, Mokokchung Electrical Division-i sangdong ka nung metetdaktsü.
Anogo asemnü power supply timtem ajurutsüba tesemtemji Mokokchung jila, Asetkong aser Ongpangkong nung yim ajak aser Panti, Sungro, Okotso area nungertem alitsü, ta paisa sangdong nung shia lir.
Tzünglu arura mesüra tsüngsang-mopung mejungi kümra, mapang atsülangtsü akok. Ajisüaka mapa inyaktsü atakzüka aliba mapang jelia tembanga inyaktet nungbo power shut down mapang ajema akümtsü. Anungji nübortemi iba mapa metembang tashi timtem aremzüka atatsü mepishir, ta Er. Moa Aier-isa metetdaktsü.
You must be logged in to post a comment Login