EEM Nodal Officer tem nem Kohima nung training agütsü

Dimapur, Tsüklai/February 16 (TYO): 2019 Lok Sabha general Election den sendaktepa Election Expenditure Monitoring Cell (EEM)/Media Certification & Monitoring Cell (MCMC)/ Media matters/Law & Order/District Security Plan dak sendakba nung Nodal Officers tem nem DC Conference Hall, Kohima nung February 16 nü training agütsüogo.
Chief Electoral Officer, Nagaland, Abhijit Sinha, IAS-i Nodal Officers tem dang election mapang EEM kübok cells balala indang khuret aser tinyaktsütem metetdakja liasü. Pai Nodal Officers tem dang ‘Compendium of Instructions on Election Expenditure Monitoring’ inyakyim asadanga Election Commission of India (ECI)-i tetuyuba agütsüba jangjaa ayutsü ashi.
“Nenoki tanü training nung kechisa angazükogo nenoki iba ya tetuyuba den medemdanga election takok asoshi nenok nem lemzükja aliba tesemtem nung benshiang,” ta CEO-isa ashi
Training mapang Dy. Secretary, Finance & SLMT, Hiazu Meru, NCS-i ‘Accounting and Media Certification & Monitoring Cell (MCMC)’ dak sendakba nung tongtibang onüktem lemsatep aser kasa mapang nung Water Resources & SLMT, Wati Aier, NCS-i ‘Flying Squad, Video Surveillance, Video Viewing, Static Surveillance’ onüktem nung ajemdaker tangazükba agütsü. OSD to CEO & NLMT, Vikhweno Chale, NCS-i ‘Vulnerability Mapping aser Preventive Measures’ onük nung ajemdaker jembi aser Under Secretary, Border Affairs & SLMT, Zuring Madeliang, NCS-i ‘District Security Plan and Law & Order’ dak ajemdaker jembia liasü. Iba sülen training nung adener tendangba den onük mejangjabatem jangjashitepa sensaksema liasü.
District balala nungi Election Expenditure Monitoring Cell (EEM) kübok cell balala nungi Nodal Officer tem iba training sentong nung arua denogo, ta DPRO Kohima sangdong ka ajanga metetdaktsü.