Egypt aser Morocco tayimtsütem nung laptop mamshitsü nokdangba salaogo

Cairo, July 12 (Agencies): Egypt aser Morocco nungi US-i aoba tayimtsütem nung laptop mamshitsü asoshi US-i tenokdangba agüja aliba agienogo, ta iba linük ana nung tayimtsü ketdangsertemi metetdaktsü.
Islamic State telok-i electronic osettem nung bomb inoka yanglutsü meranger, ta temolung melemi aliba ajanga item linük nungi US-i aoba mapang tayimtsü nung laptop mamshidaktsütsü tenokdangba agütsü, saka iba tenokdangba ya Brehostibar nungi agientsü, ta Morocco indang Royal Air Marco ajanga sangdong ka nung ashi.
New York-i aoba tayimtsü nung laptop amshitsü tenokdangba agüja aliba Bodhbarnü nungi agientsüogo, ta EgyptAir ajanga ashi.
Saka iba tenokdangba ya Saudi Arabia indang international airport tongtipang ana, Riyadh aser Jeddah nungbo lir.
Iba tenokdangba ya Morocco, Egypt, Jordan. Saudi Arabia, Qatar, Kuwait, United Arab Emirates aser Turkey linüktem nung March ita agüja liasü.