Egypt nung ISIS tanishiri kümdangtsü tuyur

Cairo, May 5 (Agencies): Egypt nung Islamic State militant group (ISIS) tanishir kati Muslim nunger dang Khristantem sentepdaki maotsü atema tetuyuba agütsüogo.
Taoba ita Egypt nung ISIS-i bomb amshia Khristantem amakdang nisung aika asü aser tang ISIS tanishir kati tetuyuba agütsü ajanga parnoki maneni Khristantem anema mapa inyaktsü ta kuli sayur.
ISIS-i hopta shi adokba Al Naba osangkaket nung tenüng magütsüba tanishiri iba osang metetdaktsü aser paisa Muslimtem dang army aser police alidak nungi pila alitsü shisem.
Al Naba osangkaket ya Telegram ta ajaba messaging sabang nung adoker aser iba osangkaket adok nung, “Onoki nenok dang Khristantem den army aser police alidaki aser ano sorkar kiojentemi maotsü tuyur” ta ISIS tanishir jagi shia lir.
Taküm Palm Sunday nü Egypt nung ISIS kiralongrartemi jila ana nung tenlakitem amak aser iba lendong nung nisung 45 tepset.