Egypt nunger 31 nem tasüba temerenshi agütsü

Cairo, June 17 (Agencies): Honibarnü Cairo criminal court kati Egypt nung taoba former attorney general tepsetba atema nisung 31 tasüba temerenshi agütsütsü tetuyuba agütsü.
July 2013 nung Tir Abdel Fattah el-Sisi-i Mohamed Morsi atsüngdoker attorney general inyaktsü atema Hisham Barakat shim aser June 2015 nung pa tepset, ta osang ka ajanga ashi.
Parnok nisung 31 ji nisung tepsettsü tasa atongba, kiralongrar telok nung züngsem asüba, bendanger kiralongrar telok nung adenba, tapoktsü yangluba, ozüng alema arrtsü adena aoba aser itdangitraba onüktem nung tai tongloktsü.
Okadakisa parnokji Muslim Brotherhood den tesentaktep lir ta tai tongloktsü. Iba telok ya Egypt sorkari kiralongrar telok ka ta züngshir.
Iba oshidangji Egyptian Mufti dangi abentsü. Pa ya Islamic shisashir aser ozüng nung mongin ka lir, saka pai shidangba o jagi okadaki telemtetbabo menembangtet.
July 22, 2017 nü iba ken o atema tatembang obendang agütsütsü.