Egypt sorkar nem sen bn 12 aputsütsü: IMF

Cairo, August 11 (Agencies): Egypt linük nung rongsenren jenjang tajungba kümdaktsütsü tangatetba nung par sorkar nem dollar sen billion 12 tashi aputsütsü lemtetba osang ka International Monetary Fund (IMF)-i tanü, Brehostibar nü sangoktsüogo.
IMF-i aputsütsü renemba senji taruba küm 3 tashi nung meyiptsütsü renema lir saka IMF aser Egypt lenirtemi tezüngzüktep agiba sülen ang sen aputsütsü mapatongji asangsang nung ataloktsü.
Ano, tan sen aputsüba sülen Egypt linüki rongsenren temelenshi tajung agitsüsa akümtsü.
“Egypt ya kechisarena ajunga takok ngua inyaktetba linük ka lir saka par linüki tang ajurushia aliba rongsenren jenjangji tekaratiba mapang nung tajungba kümdaktsütsü nungdaka lir,” ta tang Egypt semdanga alir IMF telok lenisang, Chris Jarvis-i metetdaktsü.
Rongsen jenjang mejungi akümba linüktem nem sen apuja yaria item linük indang rongsenren jenjang tajungba kümdaktsütsü nükjidong nung IMF-i Extended Fund Facility mapatong tenzüka lir.