Egypt & Syria den sentaktepshitsü jangrar: Yildirim

Ankara, September 02 (Agencies): Turkey linüki Egypt aser Syria na den tanaben sentaktepshitsü jangraba olen ka Turkey Ato Kilonser, Binali Yildirim-i tanü, Hokolbar nü sangoktsüogo.
Tawa Israel aser Russia na den tanaben sentaktepshiba den külemi, par mitkar aser tongpang nung amshitsü osettsüset arrtsü adena, Syria-i yoka tongpang raradaktsüba sülen Yildirim-i Egypt aser Syria na den tanaben sentaktepshitsü jangraba olenji tan sangoktsür lir.
“Tsüngremi dang mulungra, ozü Turkey linüki Eygpt aser Syria na den tanaben sentaktepshitsü mulunga lir. Iba tangatetba nung ozü linüki par linük ana den tanaben sentaktepshia, taoba mapang ama, tesendaktep junga ayutsü mapatong tenzükogo,” ta Yildirim-i metetdaktsü.