Egypt:Bomb lendong nung police 9 asü

Cairo, January 09 (Agencies) : Egypt kübok Sinai yimti anüdoklentip tsütsü mitkartem nokdakba tesem ka amakba mapang tajemba agi police toku (9) asü aser 13 tashi yiru, ta Hombarnü osangbenertemi metetdaktsü.
Deobarnü taküm bendanga agütsür tapoktsü pokloktsür kati jana abenba gari ka auya bener oa tapoktsü sünga inoker mitkartem aliba tesem nung pokdaktsü, ta osangbenertemi ashi.
Osangbenertemi ashiba agi, iba gari mapok tsüngda kiralongrar kari police tem dak injang akah. Lendong atalokba tesem nung kiralongrar tasümang ka angu.
Iba lendong ya shiroki agütsüar ano memjangjateti lir.
2013 küm Islamist tir Mohamed Morsi atsüngtokba sülen telungpuri Egypt nung mitkartem mapang shia amaker.
Cairo aser tanga yimtitem nung mapang shia iba amala lendong ataloker ajisüaka lendong timba ka Sinai nung ataloker.