Eiffel Tower nung Befikre trailer sayatsü

Mumbai, October 3 (Agencies) : Kanga dang yongyaa aliba Befikre film indang trailer mezüngbuba October 10 nü Yash Raj Films-i Eiffel Tower nung sayatsü sentong lir.
Iba film ya Aditya Chopra-i direct asü aser Eiffel Tower nung trailer mezüngbuba sayabaji iba ya asütsü, ta Yash Raj Films-i sangdong ka nung metetdaktsü.
2008 küm Rab Ne Bana Di Jodi film direct asüba sülen Aditya-i tan Befikre film direct asür. Iba film ya Paris yimti nung aliba tobur tajung tesemtem nung yangluba lir.
Film nung tongti shilem agir- Ranveer Singh aser Vaani Kapoor nati iba film trailer sayatsütsü. Befikre film ya December 9, 2016 nü sayatsü.