Eiffel Tower nung Le Pen anem banner mesang

Paris, May 5 (Agencies) : Hokolbarnü Greenpeace activist temi France Tir asoshi toktepla, candidate Marine Le Pen nübuyimba sentong anema France republican party indang yimyim “Liberty, Equality Fraternity” aser olung ‘Nokdangang’ ta züluba banner tulu ka Eiffel Tower, Paris nung mesanga liasü.
“Linük nung ajak kasa, nungitteper aser pei aginüba shimtettsü aoshi nüji aginba nüburtemi mamatsüla ta onoki shiner,” ta lenir Jean-Francois Julliard-i radio ajanga metetdaktsü.
Iba banner ji mesanger minute 45 ang lirbo agien, ta osangbenertemi ashi.
Deobarnü linük Tir election agitsü lia Le Pen aser centrist candidate Emmanuel Macron na Hokolbarnü tatembang buba nübuyim sentong agiba mapang iba longkak aitba atalok.