Elation, Young Star, Shitilong aser Dilong YA nungertemi takok angu

Oct 5 nü match asembuba Shitonglong S/A o Sports Society Suyim (SSS) na asayaba mapang asayartem ball raktepdang tangokba noksa ka angur. Mokokchung, Oct 5, 2016.

Mokokchung, Oct 5 (TYO): Oct 4 nungi tenzüka yangi Imkongmeren Sports Complex Mokokchung nung 2016 MDFA football asayamung asayadar.
Oct 5 nü mezüng asaya nung Elation S/A o Stardom United F/C na asayaba Elation S/A nungi Jersey No. 5 Katemramok-i minute 68 nung goal ka agüja par teloki goal 1-0 agi Stardom United pur madak takok angu.
Tanabuba asaya nung Young Star S/C o Tepenjem Rugo Mokokchung na asayaba Young Star nungi Jersey No. 4 Lipokwati-i minute 39 nung par telok asoshi goal ka yoka Tepenjem Rugo madak takok ngua liasü.
Tasembuba asaya nung Shitilong S/A o Sports Society Suyim (SSS) na asayaba Shitilong-i goal 2-0 agi SSS madak takok angu. Shitilong nungi Jersey No. 8 Kethozapu aser Jersey No. 9 Jongpongnungsang nati 2nd half asaya tenzüker minute 42 aser 50 nung goal kaka agütsü.
Pezübuba asaya nung Dilong Y/A o Arikodong Club tsüngda asayaba Dilong Y/A-i goal 3-1 agi Arikodong pur akok. DYA nungi jersey No. 9 Inshalu-i minute 9 & 55 nung goal ana agütsü aser par telok nungisa Jersey No. 6 Sujimong-ia minute 58 nung goal ka yok. Arikodong telokia item goal-temji küpdoktsü kanga merang, aji oda, asaya tatemtsü lia minute 68 nung par telok nungi Jersey No. 17 Wasu Kalengta-i goal ka küpzük.
Tanü iba asaya nung taoba Miss Nagaland aser nüngtugu model Kr. Imlibenla Wati special guest ka ama arua asaya tali meraketdaktsü.
MDFA asayamung ya Mokokchung District Football Association-i football asaya ajungkettsüba den district nung lanurtem nem sabang lapokja anitettsü nükjidong yur kümshi ayongzüka akar. Taküma takoker nem senpet tajung agütsütsü tayongertem terenemba lir.
Oct 6, 2016 match @ 9:00 AM:
1st : Y/A Marepkong Vs Fusion S/C
2nd : Tongdenyong S/C Vs Hills F/C
3rd: Alempang Y/A Vs Socianian F/C
4th: OCYU Vs Mongsenbai Youngsterz F/C