Elavenil Valarivan-i gold medal angu

Luroi/August 29, 2019 (Agencies): Senior ISSF World Cup10m Air Rifle category nung Chandela aser Anjali Bhagwat na sülen Elavenil Valarivan-i Bodhbarnü gold medal koktetogo. Arishi küm 20 tain asayar yagi point 251.7 ngua gold medal angu aser tanabuba jenjang nung Great Britain nungi asayar Seonaid Mcintosh-i point 250.6 nguteta silver medal angu.
Munich nung ISSF World Cup mapanga Valarivan-i tera agi dang medal mekoktet. Final asaya nung la jenjang pezübuba nung tembang. Ajisüaka Bodhbarnü Elavenil-i kanga junga asayaogo aser külem asayar Anjum Moudgil aser Apurvi Chandela na ajateta liasü.
Kasa asaya nung World number 2 Anjum Moudgil (166.8 points) trokbuba nung tembang. Kasa mapang nung Apurvi Chandela final atema tera agi dang qualify masü, la jenjang 11buba nung tembanga liasü. World number two Anjum ya 2020 Tokyo Olympics atema qualify süogo.
Valarivan aser Moudgil nati point 629.4 aser 629.1 nguteta final atema qualify asü.
Elavenil Valarivan-i tang mezüngbuba senior World Cup nung medal ka koktetogo. Tamil Nadu nungi asayar yagi 2018 küm Sydney aser Suhl nung ISSF Junior World Cup nung gold medal koktetogo.